चंखेली जिप दुर्घटनाका ४ घाइतेको हेलिकप्टर मार्फत उद्दार
हुम्ला । हुम्लाको चंखेली गाउँपालिका स्थित दार्मा गौरी सल्ला मोडमा आज बिहान भएको जिप दुर्घटनामा परेर गम्भीर घाइते भएका चार जनालाई हेलिकप्टरद्वारा उद्दार गरिएको छ।
गम्भीर घाइते भएका चंखेली गाउँपालिका – २ सुरेन्द्र बहादुर शाही तिलबहादुर शाही र रारा छायानाथ नगरपालिका – १३ का रमेश मल्ल रारा छायानाथ- १ का पृथ्वी राउतलाई सिम्रिक एयर हेलिकप्टरबाट उद्वार गरि प्रादेशिक अस्पताल सुर्खेत लगिएको छ।
कर्णाली प्रदेश ०२- ००१च ०९२२ बोलेरो जीप दुर्घटनामा ७ जना घाइते भएको मिमि प्रहरीचौकी हुम्लाले जनाएको छ।
चार जना गम्भीर घाइतेलाइ उद्वार गरि सुर्खेत लगिएको छ अन्य घाइतेलाई दार्मा स्वास्थ्यचौकी उपचार भइरहेको मिमि प्रहरीचौकी हुम्लाका प्रहरी सहायक निरीक्षक बालकृष्ण खड्काले बताए।
बिरामी उद्वार खर्च ५ लाख २० हजार चंखेली गाउँपालिकाको विपद कोषबाट व्यवस्था गरिएको गाउँपालिका प्रमुख प्यारीलाल शाहीले जानकारी गराएका छन् ।